د امت نر بچيه!
وحيدالله مصلح
د امت نر بچيه نن مې بې واره په زړه راورېږې، زمريه څه د ګيدړو خوراکه شوې... ستا د وينا په انګازو کې رعب و او ستا د اواز په ټون کې زور و، دا رعب او دا زور د يوې نظريې او يو موقف له شوره و چې ستا په غږ کې به يې انګازې کولې...
د امت نر بچيه!
ته د مصري ملت لومړى او وروستى مشر وې چې د ملت په خوښه د واک مسند ته راغلې او د سکولارېسم په تشدد کې زندان ته لاړې، تا د مصر ملت ته د بيان ازادي راوړه او سکولارېسم دا ازادي د ملت په ستوني کې وربنده کړه، تا خلکو ته د لاريونونو او نيوکو ازادي ورکړه او سکولارېسم پر نيوکو قطغن ولګولو او په خلکو يې زندانونه ډک کړل، تا د رايې ازادي رامنځته کړه، تا او ستا د اساسي قانون رايو د ريښتينو ازادو ټاکنو عکاسي کوله خو د سکولارېسم کودتاچيان تر تا وروسته په ډېرو لږو رايو کې تر نوي فيصدو ډېرې رايې اخلي، ځکه رايو خپل جوهر بايللى...
د امت نر بچيه!
داسې نه ده چې ته مرسي وې او تر تا وروسته سيسي دى، دا کومه فردي مقارنه نه ده، دا د اسلامي ويښتيا او شرقي سکولارېسم مقايسه ده، دا نظرياتي بحث دى چې له ځان سره د دوه نظريو د واک ولسيتوب، د رايو ازاديو، د اتباعو حقونو، تنوع، زغم، تسامح او انساني برخوردونو جلا تعريفونه او مفاهيم لري.
د امت نر بچيه!
ته په مظلوم حيثيت خو په هسکه غاړه زندان ته لاړې، ته په ناروغ ځان د سکولارېسم تشدد وځپلې او سکولارېسم ته په تدريجي عذاب شهيد کړې... بس دا د شرقي سکولارېسم ريښتينى مستبد مخ دى، دا هغه استبداد دى چې يو بسته ملت يې کالبوت کړى او د ازادۍ روح يې ترې په خپسه کې نيولى، خو کله چې د امريکا مخکيني رئيس جمهور د دې استبداد مشر ته عظيم رهبر وايي او کله چې د غرب ډيموکراټيک نظامونه دا کودتا او دا ظلمونه حمايه کوي نو د غرب په نظرياتي مبحث کې د ټاکنو او ازاديو د بحث روبنايي خاصه ډېره ښه معلومېږي.
د امت نر بچيه!
ته لاړې خو دا کشمکش پاى نه لري او تاريخ ګواه دى چې دا امت دايمي غورځېدلى نه شي، د کشمکش خاصيت دا دى چې تر غورځېدو وروسته پا څېدل دي، د مسلمانانو سياسي نهضت/ويښتيا به د استبداد دا ټول برجونه د سکولارېسم په هديره کې خښوي. ان شاﺀالله
وحیدالله مصلح
لیکوال او تحلیلګر
وحیدالله مصلح د ننګرهار ولایت، روداتو ولسوالۍ اصلي اوسیدونکی او اوسمهال په کابل کې مېشت دی. نوموړی له ننګرهار طب پوهنځي څخه په ۱۳۸۴ ل کال کې فارغ شوی دی.
وحیدالله مصلح فېسبوک پاڼه
وروستۍ تبصرې
- محمد مکي : ماشاءالله ځلاند او ځوان داکتر مصلح صاحب! د استاذ مزمل صاحب په سیاسي او فکري پیژندنه کی ده ښه زړه پوری لیکنه کړي ده او ای کاشکی د خپل زړه هغه هیله هم پوره کړئ چی پکی مزمل صاحب ته ځانګړی ویپاڼی جوړول دي ترڅو د هغه ټولی ويناوی او مرکی او لیکنی او کتابونه پکی نشر سي او نني ځوانان ورسکه ګټه واخلي. هو! تا د مزمل صاحب هغه سیاسي نقد په محترم مشر حکمتیار صاحب هم ياد کړئ دئ کله چی یی په نیویارګ ریګان سره ملاقات مشروط رد که او نورو ټولو مشرانو په خپل وار سره ملاقاتونه وکړل او په بيعه کی یی ځبنی ارګ ته هم ورسیدل خو بيايي سرنوشت څنګه سه؟ اوس د محترم مشر موقف چی لکه ونه مستقیم په خپل مکان دئ څنګه ارزوۍ؟ آيا حکمتیار دور انديش وه که رباني؟ هو! دا حقيقت ښايي ټول ومني چي د شوروي ضد مجاهدینو اختلاف سیاسي انتحار او د شهیدانو ارمانونو سره جفا وه. موفق اوسی.
- عبدالمالک غزالی: داکترصاحب! داستادمزمل په اړه لیکنه مو: ستاسودنظریاتي شخصیت اوشموخ ښکارندوئی کوي. داستادشخصیت ته پکې هم بلاځلاوربخښلې. اودفکري شمولیت په موخه که څوک وپوهیداوسمه اخستنه ئې ځینې وکړه نوشخصیت به ئې په ټولنه کې ټولشموله ښکاره شي. په ګوتوموبرکت شه
- عبدالمالک غزالی: داکترصاحب! داستادمزمل په اړه لیکنه مو: ستاسودنظریاتي شخصیت اوشموخ ښکارندوئی کوي. داستادشخصیت ته پکې هم بلاځلاوربخښلې. اودفکري شمولیت په موخه که څوک وپوهیداوسمه اخستنه ئې ځینې وکړه نوشخصیت به ئې په ټولنه کې ټولشموله ښکاره شي. په ګوتوموبرکت شه
- نوراحمد نېکزاد: رحمه الله استاد محترم الله مو په ژوند او علم برکت کښېږده. تبصيره به نکوم خو د استاد دا خبره به مي کله هم هېره نسي چي موږ به ېې په يو دلسوزانه او دعوت ته د ژور تعهد په انداز کي ويل: کندريانو تاسو خلګو ته واياست چي سر مو خلاص سو؟ خپله مو سر نه دى خلاص!!! الله دي ورته جنت الفردوس نصيب کړي او موږ ټولو جميل صبر او پر لار ېې د ټينګ او مستحکم پاته کېدو توفق.
- سېد مصور : الله ج دې په ګوتو برکت کړه ۔که واټساپ ته ېې ولېږې خوشحال به شم نمبر 0780008278 ټولې لېکنې