د حملو لومړی موخې د هغو ځایونو کنترول دی چې ورڅخه د اسرایلو ښارګوټي په نښه کیږي، ایهود بارک ویلي دی چې زمکنۍ حملی لنډ مهاله هم نه دي او اسانه هم، د نوموړي دا خبرې د غزې د اوسیدنکو او په ځانګړې توګه د حماس دتعذیب له یوې اوږدمهالې پلانونې غمازي کوي.

خو ایا دا دسلګونو ټنو بمونو له ورولو وروسته  د حماس په پوځي وړتیا او توغندويي بریدونو کې کموالی راغلی؟ دا هغه پوښتنه ده چې د اسراییلو د برید موخې ننګوي، د حماس جګړه ایز مورال ډیر حیرانونکی ستر دی، د حملې له پیله بیا تر اوسه په سلګونو توغندي په اسراییلو توغول شوي دي، د حماس ویاند فواز بارهومي وايي، موږ دوی ته د ځمکنۍ جګړې انتظار باسو، د خدای په مرسته به موږ د دغه تېري کوونکي او جنايت کاره دښمن په وړاندې بری ومومو. د حماس تبعید شوي سیاسي مشر خالد مشعل (الجزیرة) تلویزیون ته وویل چې: که اسراییلو په غزې تړانګې کې  زمکني عملیات پیل کړل، نو له تیاره برخلیک سره به مخ شي، او دا کار به د اسرایلو احمقانه اشتباه وي، د حماس  ځواک او جوړښت ته هیڅ زیان نه دی رسیدلی، هغه وویل چې مونږ نه مغلوبیږو، نه تسلیمیږو، او نه ستاسو شرایطو ته  تسلیمیږو. مشعل دا هم ویلي دي چې که اسراییل دومره احمقانه کار وکړي، پر غزه ځمکني بريد وکړي، نو له موږ سره به دويم، درېيم او څلورم شاليت هم پيدا شي، موږ هر ډول تېري ته د دفاع په حالت کې يو، اسراييلو چې دغه جګړه پر موږ تپلې ده، باوري يو چې موږ به يې ګټونکي يو، ځکه چې موږ هرډول تياری نيولی دی. همدغه راز موسی ابو مرزوق د حماس سیاسي چارو ویاند د بي بي سي عربي څانګې ته ويلي چې : فلسطينيان به اسراييلو ته په ځمکنيو بريدونو کې نه هېرېدونکي درسونه ورکړي او حماس دا وړتيا لري چې له پلې اسراييلي ځواکونو سره په مېړانه وجنګېږي.

له بلې خوا داسې هم ویل کیږي چې که اسراییل زمکنی تیری وکړي نو حماس ددې وړتیا لري چې  ټانکونه یې په نویو راکټونو تخریب کړي، د تهران په جمعې لمانځه کې د هاشمي رفسنجاني خبرې ددې تایید کوي.

د روان اسراييلي تیري په پایله کې به حماس نور هم ولسي شي، له غزې پرته به د فلسطین په نورو اوږدو کې هم پیاوړې شي، او  د نړۍ په مسلمانانو کې  به د اتل کردار واخلي، ددې  اټکل ډیر قوي دی چې حماس به د حزب الله تجربه تکرار کړي، که دا ځل اسراییلو د حماس په لاسونو بده ماته وخوړه نو دا به د اسراییلو راتلونکی ستراتیژیک  منطقه ايي موقعیت بې حده وننګوي.

په پوله دواړه غاړې  اسراییل او حزب الله د تیارسۍ په حال کې دي، خو داسې ښکاري چې هیڅ لوری به په حملې کې د مخکې توب هڅه ونه کړي، اسراییل به ځکه په حمله کې ګړندی نه وي چې د حزب الله سره یې له تیر ټکر نه درس اخیستی او نه غواړي چې په یوه وخت کې د جګړې  څو جبهې پرانیزي، خو که حزب الله له اسراییلو سره جګړه پیل کړي نو به له دولت، اردو او ملګرو ملتونو له سرتیرو سره په شخړه کې ولویږي، له همدې امله حسن نصر الله د اسراییلو په ضد د تحرک خبره نفی کړی ده.

خو کیدای شي د پټې جنګي ستراتیژۍ له مخې په تنګ لاس کې د حماس بقا ته اوږه ورکړي او محدودې حملې وکړي.

۲-  اسراییل غاصب دولت دی، د چونګاښ په بڼه په اسلامي  خاوره تپل شوی.

۳-  اسراییل او ددوی د بقا ټیکه داران چې په  سر کې  یې امریکا، انګلستان او نور اروپایي هیوادونه راځي  د مسلمانو ولسونو له څومره ډیر نفرت او کرکې  برخمن دي؟

۴-  په داسې حال کې چې غزه د وینو په ډنډ کې ډوبه ده، د اسرایيلي وحشیانو تیري پرې تاوده روان دي، خو اسلامي هیوادونه ددې وړتیا نه لري چې د تر ۵۰ په ډیر شمیر کې ترې ننګه وکړي، او قاطع تصمیم ونیسي، نو ځکه

۵- پر ملتونو واکمن دولتونه تپل شوي دولتونه دي چې هیڅکله ددوی له عقایدو او ارمانونو استازیتوب نه شي کولای.

د پایلې په توګه روانه جګړه د اسراییلو له لورې پیل شوې او پای به یې هم د اسراییلو په ماتې تمام شي، انشا الله.