لنډه دا چې استعمار افريقا وويشله، د هغوي پانګه يې ولوټله، او اوسيدونكې يې ورته غلامان كړل، دوى يې په ځانګړې توګه د امريكا د نوي نړئ په منډويانو كې وپلورل.

د تيارې استعماري دورې له پنجې نه چې كله افريقايې هيوادونه ازاد شول، نو هلته يې داسي سكولر دولتونه ودرول چې د لويديز استعمار پاليسيو ته ژمن وو، د استعمار پر ضد كه له يوي خوا هيوادني او ملي خوځښتونه وزيږيدل، نو له بل لوري اسلامي تحريكونه هم مينځ ته راغلل چې د اسلام د تللي عظمت بيا را ګرځول يې غوښتل، او د عربي ژبي د بيا ژوندئ كيدا او پرمختيا لپاره يې كوښښونه درلودل، تر اوسه پوري په افريقا كې اسلامي تحريكونه مزبوت دي چې په سر كې يې  اخوان المسلمون قرار لري، چې په ډيري تيزئ سره خپريږي او ستر ولسي محبوبيت يې پيدا كړي دي، په همدې توګه جماعت اسلامي هم يو مستحكم اسلامي حركت دي، د واتيكان له دغه باطل ګومان سره سره چې ( افريقا به په يوه ټاكلي وخت كې عيسايې كيږي) حقيقت دادي چې افريقا د خپل اصل (اسلام) په لوري په تيزئ سره ګامونه اخلي.

د قرنِ افريقا حالت هم د افريقا د لويې وچې له مركزي سيمو څخه ډير توپير نه لري، په ځانګړي توګه د صحرا له ساحلي هيوادونو، كوم چې په ختيز كې له سوډان څخه نيولي د لويې وچې په لويديز كې تر ګنّي پوري خپور دي او چېرته چې د نړئ د تيلو ډيري غټي زيرمي شتون لري، افريقا نن سبا د ورځي9 مليونه تيل راباسي، چې د ايران او وينزويلا د تيلو د مجموعي توليد سره برابر دي، دا په داسي حال كې د ګنّي  خليج د تيلو توليد24 اربو ته رسيږي، امريكا هملته ځي چېرته چې تيل او د صهيونيانو ګټي وي، امريكا اوس خپل نظر پر افريقا او د بل كلنټن په وينا (د افريقا پر نقشي) اچولي دي.

د ګنّي  خليج د تيلو يوه ځانګړتيا دا ده چې  امريكا ته يې په رسولو كې ډير لګښت نه تر سره كيږي، او دا ځكه  چې نوموړي خليج د امريكايې اقيانوس سمندر په دا بلي خوا كې پروت دي، او ددې برعكس امريكا ته د قزوين سمندر د تيلو په ليږلو كې نه يوازې د سوليزو ليارو اړتيا شته بلكه ډيرو لګښتونو ته به هم اوږه وركوي، په همدې توګه د عراق او خليج د تيلو د ترلاسه كولو په خاطر امريكاته په مخكې د جګړو ليار پرته ده، له همدې امله د افريقا تيل د امريكا لپاره يو بهترين بديل دي.

زمونږه دغه تيار كړي مالومات د افريقا په لويې وچې كې د امريكا د ښكاره عسكري شتون راز بربنډوي، ددې پيل په1992 كې د صوماليا له نيواك نه شوي وو، مګر له سخت مقاومت له امله  امريكا له هغه ځايه وتښتيده او په جيبوتي كې ځاى پر ځاى شوه، هلته يې د فرانسويانو په خوښه يوه فوځي اډه جوړه كړه، امريكايې سمندري كښتئ په سره سمندر كې په تلونكو او راتلونكو كښتيو ژور نظر لري، امريكا په ټول زور سره كوښښ كوي چې له ګڼو هيوادونو سره د تړونونو په ترڅ كې د افريقا په مركز كې خپله اډه جوړه كړي، له هغي څخه يو هيواد مراكش دي، د ګڼو  راپورونو له مخي امريكا كوښښ كوي چې په مراكش كې فوځي اډه جوړه كړي، نوموړي اډه امريكا ته د تيلو د ليږد حفاظت يقيني كوي، او ورسره د اسلامي تحريك محاصره هم اسانوي.

په افريقا كې د امريكا ددغي پرمختلونكې اثر و رسوخ موخه داده چې د صهيونيانو اغيزې پراخي كړي او د عربانو پر شاتګ غټي كچې ته ورسوي، كه چېرته په افريقا كې چې د عربي نړئ لپاره د جنګي كړنلاري له مخي مهمترين طبيعي مقام دي، دغه حالت پر ځاى پاتي شي نو بيا به عربان ډېر څه وبايلي.

ټول قرنِ افريقا (سوماليا، جيبوتي، اريتيريا او ايتوپيا) سيمې ته له ورمخامخو خنډونو سره سره د نړيوال نظام د اغيزمنو ځواكونو د زړه راښكون مركز ګرځيدلي، هغه كه د سړي جګړي دوران وو او كه تر هغي وروسته، او ددې څو لاملونه دي، له دغو عواملو څخه يو يې د جنګي كړنلاري له مخي ددې سيمي ارزښت دي، له دغه ځايه څو سمندري ليارو ته په اسانئ سره رسيدا كيږي، ياني سور سمندر، د عدن خليج او د هند سمندر ته ، په دي توګه نوموړي سيمه، د نړيوال تجارت او د عربو له خليجه تر لويديزي اروپا او امريكا پوري د تيلو د انتقال ټولې لياري په ځان كې رانغاړي، له دي سيمي پوري د نيل شاو خوا سيمي هم تړلي دي.

د تيلو ميندنو په افريقا كې نړيوال زړه راښكون ستر كړي دي، د لومړي ځل لپاره په1979 كې په افريقا كې د تيلو څاه ګانې وميندل شوي، مګر د داخلي كشمكش او جګړو له امله پټرول ويستونكو كمپنيو كار پريښود، د نوي يمي لسيزې په پيل كې چې د تيلو څو كمپنۍ بيرته سوډان ته راغلي نو نه يوازې له جنوبي سوډانه تيل راوويستل شول، بلكه د سوډان له شمال، شمال لويديز او د نيل درياب له شاوخوا سيمو څخه هم تيل راويستل پيل شول، د امريكا توقع دا ده چې د افريقا د تيلو د توليد په كچه كې به ډيروالي راشي او د2010 كال په رارسيدو سره به له افريقا څخه امريكا ته ليږديدونكې تيل د امريكا د تيلو د ټول توليد25 سلنه جوړه كړي، دا په داسي حال كې چې چېن همدا اوس مهال د خپلو تيلو د توليد25 سلنه له افريقا تر لاسه كوي.

د  قرنِ افريقا ډيري هيوادونه مسلمان دي، امريكا او اروپا د قرنِ افريقا په هيوادونو كې په ځانګړې توګه ترهګري او مسلمانان سره لازم او ملزوم ګرځولي دي، په همدې توګه يې د اسلامپالو او اسلامي تحريكونو پر ضد هميشه له كركې ډكه رويه خپله كړې ده، ددې ډيرې بېلګې شته، خو دلته به يې يوازې پر دوه و بسيا وكړو:

ايتوپيا د امريكا په مرسته په سوماليه كې لاسوهي وكړ او اسلامي محاكم يې له موګاديشيو پر شاتګ ته اړ كړل، په داسي حال كې چې په سوماليه كې د سياد بردي د حكومت له ړنګيدو وروسته په لومړي ځل د اسلامي محاكمو له بركته امن  او ټيكاو را مينځ ته شوي وو.